Alte Urkunden des Kirchspiels Herzlake
Meppener Urkundenbuch Nr. 192
1418, Januar 30.
Der Schmied Dethard zu Herzlake verkauft den Gildebrüdern St. Johannis ein Stück Land.
Original im Pfarrarchiv zu Herzlake.
Ich Johan Bredenbeke knape, eyn sworen rychter myns heren van Monster in der stad to Lunne, do kundich allen luden in dessen apenen breve , dat vor my quemen an eyn heghet rychte Dethard de smyt to Herslike ; Gheze zyn echte wyf unde bekanden aldar vor my, dat se hadden vorkofft eynes rechten steden vasten erffliken ewijghen kopes unde leten up aldar in den zulven hegheden rychte mit handen unde mit munden in 'ere rechte besyttene hebbene weer erfflike unde yumbermer sunte Johannezes ghyldebroderen und der kerchen to Herslike, als nu to der tyt Oclen Passen und Leneken ton . ... h . . . unde eren nakomelincge, to sunte Johannezes behoff eyn stucke Tandes up den echhe to Herslike, dat yewerle hefft gliehort to de smedes kampe unde geyt up des Bolen worden, unde hadden dat ghedan umme eyne summe gheldes guder pennincge, de an degher al unde wal betalt was to eren willen van den vorg. ghyldebroderen sunte Johannis myt reden ghelde, des ze aldar vor my enkanden an den zulven hegheden rychte. Vortmer so vorteghen Dethard unde Ghezeke vorg. aldar vor my in den zelven rychte up ansprake recht unde anwachtinge unde al den eghendome , de ze al das langhe hadt hadden in den vorg. stucke, offte er ervent hir namales an hebben mochten myt rechten yenighe wys. Ock so loveden Dethard unde Ghezeke vorg. al dar vor my an den zelven hegheden richte an guden truwen als rechte sakewolde beyde vor sich unde vor al ere ervent des vorg. stuckes myt syner tobehorinege als teent vryg rechte gude vaste warscap erflike to doen, war wanner myt wen unde wo vakene en des noet ys vor al de ghene , de des to rechte komen willet zunder vortoch . Al argelyst unde nyewunde ut ghesproken , de in dessen stucke hinderen moghen yenighewys. Kornoten des gherychtes weren Johan van Hemme, Kone to Luttike Dorne. Hir weren ok an unde over her Clawes, de kerchere to Herslike, Bus Hermen , Hencke de schulte to Bachrade unde ander guder lude ghenoch , de dat richte mede bestunden . Dat dyt allent war zy unde unvorbroken blyve, des to tuge zo hebbe ich Johan vorg. myn inghezeghel van gherichtes wegbene unde umme bede willen van beyden zyden an dessen breff ghelianghen . Datum anno Domini M° CCCC° XVlll° dominica die post festum Conversionis Sti Pauli apostoli .
Siegel: Schild mit einem Geweih. Joa . . . Bred . . .
Quelle: Hermann Wenker, Meppener Urkundenbuch, Meppen 1902 - 1906.