Alte Urkunden des Kirchspiels Herzlake

Meppener Urkundenbuch Nr. 361

1471, März 21.

Der Kirchenrat von Herzlake verpachtet dem Johann Kur einen Kotten in Velsten, Detherd to Lynden verkauft dem Kirchenrat die Kreuz Brede, die Witwe Hille .ton Kolc­hus übergiebt als Vermächtnis ihres Mannes dem Kirchen­rat ein Stück Land auf dem Varenkampe.

Original im Pfarrarchiv zu Herzlake.  

Ick Johan Merswin , in der tyd eyn zworen richter to Hase­lunne van bevele des hochgebornen forsten myns leven genedigen heren , heren Hinrikes van Zwarseborch , van Godes genaden byscop to Monster unde administrator der hilgen kercken to Bremen , enkenne unde betuge apenbare vor allen luden in dessen apenen besegelden breve , dat vor my synt gekamen in eyn heghet Berichte , dar ick stede unde stoel des Berichtes beseten hadde myt rechte myt mynen kornoten hir nabescreven , Johan tor Aa , Kone to Dorne, Hermen to Baeckride unde Hermen Dudynck ton Osternbroke, in der tyd eyn zwaren kerckrad to Herslake, unde enkanden ; dat se eyndrechlike vor syk unde ere nakomelinge, de yo kerckrad synt to Herslake , hadden ghedaen unde laten , deden unde leten in eyne rechtlike erflike ewige brukene were beyde myt handen unde myt munden Kur Johanne unde synen erven unde anerven dat kot, he nu tor tyd uppe syt, unde den garden belegen by des Woesten erve uppe den Velsten unde so vele landes, als dat belegen ys in der burscap ton Velsten , dar he unde syne erven scolet unde wyllet iarlix unde alleiar unvoriaret offte de ghene, de dat kot garden unde laut vorg. yo bruket, aff gheven und wal to willen betalen den kerckrade vorbenompt unde eren uakomelingen, de yo kerckrad synt, sees scepel gudes schyren winter roggen unde sees scepel haveren unde derdehalven scyllinck gudes geldes , to betalene iarlix unde alleiar uppe sunte Mychahelis dach, des Johan vorg. vor syk unde syne erven ok vor my enkande, myt zulken ünder­schede, were zake, dat Johan vorg. storve unde syne kyndere des nicht bruken enwolden, so scal eyn kerkrad vorg. en wedder gheven dre rinsche guldene vor dat hus, unde storven ok syne kyadere, so scal id der hilgen kercken to Herslake vorg. ganslike unde erflike ewych vorlediget wesen zunder yenigerlye rechte by­sprake unde ansprake van yemande . Dyt laveden se by beyden zyden al dar vor my in Berichte beyde myt handen unde myt munden, in Buden truwen erer eyn den anderen stede vast unvor­braken to holdene, unde lavede malck anderen gude erfflike ewyge warscop to donde , als recht ys , vor alle de ghene , de des to rechte kamen wyllet, unde alle gebreck dar ynne to vorvullene zunder vortoch unde argelist. Ock quam in dyt zulve hegede gerichte do zulves Detherd to Lynden unde enkande vor syk unde Geseken syn echte wyff unde al ere erven, dat he hadde vorkofft ewiges kopes unde gaff aver unde leet upp der hilgen kercken vorg.. geheten de Kruse breden vor eyne summen gudes geldes, de eine deger, al unde wal to willen betalet ys van den kerckrade vorbe­nompt, so se ok vor my enkanden . Ok quam dar zulves in dat zulve hegede gerichte Hille ton Kolchuse unde leet up unde gaff aver der bilgen kercken vorg. , so se van rechte scolde , eyn stucke landes twyger scepelzaet, als dat belegen ys uppe Varenkampe, vor. syk unde al ere kyndere unde erven vor eyne rechte seelegave eres zelgen husheren, so he dat ok zulven in synen lesten geghe­ven hadde, unde desse vorg. Dethard und Hille loveden in den zulven hegeden gerichte in guden truwen vor syk unde al ere erven des vorg. landes unde dar ynne alle gebreck to vorvullene, gude rechte vaste erflike ewige warscop to donde, so vakene unde dycke des not unde behoff ys , zunder argelist unde vortoch . Drogene , al argelist , nygevunde unde allent , dat dessen breff krencken mochte, to voren utgespraken . Hir ween an unde aver smyt Eyllerd to Herslake unde Ludeke to Westrum kornoten des gerichtes, Ffolck Gherd, Johan tor Busemolen, koster Buss unde ander guder lude genoch, de dat gerichte mede bestunden unde behorden . Dat dyt allent war sy, stede vast unde unvorbraken blyve, des to tuge der warheyt so hebbe ik Johan eyn zwaren richtet, vorg. myn ingesegel van gerichtes weghene unde umme bede willen van beyden zyden witliken beneden an dessen breff gehangen . Datum anno Domini M CCCC° LXXI° ipso die Benedicti abbatis.

Siegel abgefallen.

Quelle: Hermann Wenker, Meppener Urkundenbuch, Meppen 1902 - 1906.

Vorige Urkunde
Zurück